Ein ovstor fyremun med islendskkunna er at eg kann skynja ordi åt songaren i Sigur Rós, minder han syng vonlensku, då, må vita. Mest alt er skinande poesi, ordmagi. For å syna dét, hev eg sett um perla illgresi til norsk. Den islendske teksti finn du her.
du søv heilt til høgst å dag
du døyr og livnar til
lauvsbladi brigdar litene
du kjenner - ferd på føter,
klædd i regnkåpa - du held ut til myrketidi
du riv or deg hjarterøter
som du trør på
med hendene i lumma,
med nog å gjera
eg gjeng i blaute graset
heilt innåt
det skin på meg
igjenom tregreinene
sjå du upp og livna til
lauvsbladi brigdar litene
me finn logn, fester røter
avklædde or hjarto
me held ut til gode dagen
me plantar og gjev liv og spring ut
med hendene ute or lummone
ut til rotjordi
me tek undan styggtankane no
tidi lækjer alt, gjev liv, gjer upp eld
av sjælslogar
ikkje lenger kaldt, eg hev atter liv
mi sjæl livnar
eg målar verdi
Huga på å høyra?
Verði ykkur að góðu!
Mannsdagen 2022
for ett år siden
7 kommentarer:
Åh, det er så vakkert, så vent, Kristin!
Takk
:D So gildt at du tykkjer det! Ja, desse 'krakkarnir' (gutane) evnar å laga god tonekunst.
-kf
FINT!
(Kall meg ein krakk (gut))
Jepp, Sigur Rós = <3.
Har du sett denne videoen? Han er nydeleg (og trist):
http://www.youtube.com/watch?v=akYuy2FMQk4&feature=related
Å ja, å ja! Nydeleg. Denne er heller ikkje dårleg: http://www.youtube.com/watch?v=8L64BcCRDAE&feature=channel
-kf
André: frå no er du berre 'krakken'. Like greidt å venja seg til det med éin gong.
Åh, Sigur Rós er noko av det vakraste på planeten. Har du sett dei live nokon gong? Rein magi. :)
Så nydeleg nynorsk du skriv!
Ja, det vakraste på planeten.
Nei, eg hev diverre ikkje sét deim live. Men eg hev sét Jónsi på gata i Reykjavík!
Du hev vore på spelning med Sigur Rós? Berätta!
Takk for lovord! Eg er fulla ein gamlis-ungdom som skriv gamlis-nynorsk. Trivst med det!
Seg meg, kven er du? (anna enn ein kjenning av Ida dativfleirtal?)
-kf
Legg inn en kommentar